മലയാളം: ഹബിൾ ബഹിരാകാശ ദൂരദർശിനി 2010 ജൂൺ ഏഴിന് എടുത്ത ചിത്രം. അന്തരീക്ഷത്തിന്റെ ഉന്നത വിതാനത്തിലെ കട്ടിയുള്ള വെളുത്ത അമോണിയ മഞ്ഞ് കഷണ മേഘങ്ങൾ, ആഴത്തിലും വ്യക്തമായും കാണാവുന്ന ദക്ഷിണ മദ്ധ്യരേഖാ നാടയെ മറച്ചിരിക്കുന്നു. ഛായാഗ്രാഹകരുടെ സംഘം ഈ മേഘം ഏതാനം മാസങ്ങൾക്കുള്ളിൽ അപ്രത്യക്ഷമാകുമെന്ന് പ്രവചിക്കുന്നുണ്ട്.

അപ്രത്യക്ഷമായ നാടയുടെ വളരെ തെക്കായി കണ്ടിരുന്ന കറുത്തു പൊട്ടുകളുടെ പ്രഹേളികയും ഹബിൾ പരിഹരിച്ചിട്ടുണ്ട്. നിരീക്ഷണങ്ങളനുസരിച്ച്, അതേ പോലുള്ള പൊട്ടുകൾ ദക്ഷിണ മദ്ധ്യരേഖാ നാടയിൽ, വെള്ള മേഘം അപ്രത്യക്ഷമായാലുടൻ പ്രത്യക്ഷപ്പെടുമെന്ന് ഹബിളിന്റെ വ്യാഴനിരീക്ഷണ സംഘം പ്രതീക്ഷിക്കുന്നു.

കൊടുങ്കാറ്റുകൾ ആഞ്ഞടിക്കുന്ന ഭീമാകാരൻ ഗ്രഹത്തിൽ വിവിധ മാറ്റങ്ങൾ വന്നുകൊണ്ടിരിക്കുകയാണ്, ഏതാനം മാസം മുമ്പെടുത്ത ചിത്രം താഴെ കൊടുത്തിട്ടുണ്ട് (1). ഏതാനം മാസം മുമ്പ് ദക്ഷിണ മദ്ധ്യരേഖാ നാട മറയപ്പെട്ടു. ഇതിനു മുമ്പ് 1970-കളിലാണ് ഇത് സംഭവിച്ചിട്ടുള്ളത്, അക്കാലത്ത് വിശദമായി പഠിക്കാൻ ശേഷിയുള്ള ദൂരദർശിനികൾ ലഭ്യമായിരുന്നില്ല.

ഹബിളിന്റെ വെഡ് ഫീൽഡ് കാമറ 3 ഉപയോഗിച്ച് യഥാർത്ഥ നിറത്തിൽ ദൃശ്യപ്രകാശം ഉപയോഗിച്ച് എടുത്തതാണ് ഈ ചിത്രം.